മുംബൈ: പ്രൈവറ്റ് ഇക്വിറ്റി സ്ഥാപനമായ ലൈറ്റ്ഹൗസ്, ഗിഫ്റ്റിംഗ് പ്ലാറ്റ്‌ഫോമായ ഫെർണസ് എൻ പെറ്റൽസിൽ 200 കോടി രൂപ നിക്ഷേപിച്ചതായി റിപ്പോർട്ടുകൾ. "ലൈറ്റ്ഹൗസുമായി സഹകരിക്കുന്നതിൽ ഞങ്ങൾ വളരെ ആവേശഭരിതരാണ്, കേന്ദ്രീകൃത നിക്ഷേപ സമീപനത്തിലൂടെ വികസിപ്പിച്ചെടുത്ത അവരുടെ ആഴത്തിലുള്ള ഉപഭോക്തൃ സ്ഥിതിവിവരക്കണക്കുകളിൽ നിന്ന് പഠിക്കാൻ ഞങ്ങൾ ആഗ്രഹിക്കുന്നു," എന്ന് ഫെർണാഡെസ് എൻ പെറ്റൽസിന്റെ സ്ഥാപകനും മാനേജിംഗ് ഡയറക്ടറുമായ വികാസ് ഗുട്ഗുട്ടിയ പറഞ്ഞു.
ഈ ഫണ്ടിംഗ് ഉപയോഗിച്ച് അവരുടെ സാങ്കേതികവിദ്യ നവീകരിക്കാനും പ്രാഥമിക വിനിയോഗത്തിനുമാണ് കമ്പനി പദ്ധതിയിടുന്നത്. 1994-ൽ ഫെർണസ് എൻ പെറ്റൽസ് എന്ന ഒരൊറ്റ സ്റ്റോറായി ആരംഭിച്ച് ഇന്ന് ഇന്ത്യയിലെ 125-ലധികം നഗരങ്ങളിലായി കമ്പനിക്ക് ഏകദേശം 400 ഔട്ട്‌ലെറ്റുകൾ ഉണ്ട്. ഒപ്പം ദുബായ്, സിംഗപ്പൂർ, ദോഹ എന്നിവിടങ്ങളിലും കമ്പനിക്ക് പ്രവർത്തനം ഉണ്ട്, കൂടാതെ ഉടനെ സൗദി അറേബ്യ, മലേഷ്യ, ഇന്തോനേഷ്യ, ഫിലിപ്പീൻസ്, യുകെ, റഷ്യ എന്നിവിടങ്ങളിലായി പ്രവർത്തനം വിപുലീകരിക്കാനും കമ്പനി പദ്ധതിയിടുന്നു.
2020-21സാമ്പത്തിക വർഷത്തിൽ ഏകദേശം 400 കോടി രൂപയുടെ അറ്റ വിൽപ്പന നേടിയതായും, കൂടാതെ പകർച്ചവ്യാധി തടസ്സങ്ങൾക്കിടയിലും ഏകദേശം 600 കോടി രൂപയുടെ വിൽപ്പനയുമായി ഈ സാമ്പത്തിക വർഷം അവസാനിപ്പിക്കാനുള്ള പാതയിലാണെന്നും കമ്പനി അവകാശപ്പെടുന്നു.
Source Liveneewage
