ന്യൂഡൽഹി: ഫെബ്രുവരി 14നും ഫെബ്രുവരി 28നും ഇടയിൽ നടന്ന എസ്ബിഐ മ്യൂച്വൽ ഫണ്ടിന്റെ (എസ്ബി.ഐ എംഎഫ്) മൾട്ടിക്യാപ് ഫണ്ടിന്റെ പുതിയ ഫണ്ട് ഓഫർ (എൻ.എഫ്. ഒ) 7,500 കോടി രൂപയിലധികം ഉള്ള നിക്ഷേപം ശേഖരിച്ചതായി സ്രോതസ്സുകൾ പറയുന്നു. എന്നാൽ ഔദ്യോഗിക കണക്കുകൾ ഇനിയും പുറത്ത് വന്നിട്ടില്ല.
മുൻ വർഷം ആരംഭിച്ചു പുതിയ വർഷത്തിലും റെക്കോർഡ് എൻ.എഫ്. ശേഖരണങ്ങൾ തുടരാൻ സാധ്യതയുണ്ടെന്ന് ആണ് ഈ കളക്ഷൻ കണക്കുകൾ സൂചിപ്പിക്കുന്നത്. വൻകിട മ്യൂച്വൽ ഫണ്ട് ഹൗസുകൾ, പ്രത്യേകിച്ച് വിശാലമായ ബ്രാഞ്ചുകളിലേക്കും വിതരണ ശൃംഖലകളിലേക്കും പ്രവേശനമുള്ളവ എന്നിവയുടെ പ്രകടനം ആണ് റെക്കോർഡ് കളക്ഷനിലേക്കു നയിച്ചത്. രാജ്യത്തെ ഏറ്റവും വലിയ അസറ്റ് മാനേജറായ എസ്ബിഐ മ്യൂച്വൽ ഫണ്ട്സിന് സ്റ്റേറ്റ് ബാങ്ക് ഓഫ് ഇന്ത്യയുടെ (എസ്ബിഐ) വിശാലമായ ബാങ്ക് ശാഖാ ശൃംഖലയെ ഇതിനായി ഉപയോഗിക്കാനും കഴിയും.
എസ്ബിഐ എംഎഫിന്റെ ബാലൻസ്ഡ് അഡ്വാന്റേജ് ഫണ്ടിന്റെ എൻ.എഫ്.ഒ 14,551 കോടി രൂപയും, കൂടാതെ ഐ.സി.ഐ.സി.ഐ ഫ്ലെക്സിക്യാപ്പ് ഫണ്ട് അതിന്റെ എൻഎഫ്ഒയിൽ 9,808 കോടി രൂപയും ശേഖരിച്ചതായും കണക്കുകൾ പറയുന്നു.
Source Livenewage
