ക്രിപ്റ്റോ കറൻസിയെ വിനിമയത്തിനുള്ള കറൻസിയായി അംഗീകരിക്കാൻ ഒരുങ്ങി റഷ്യ. ബ്ലോക്ക്‌വർക്സ് എന്ന മാധ്യമമാണ് വാർത്ത റിപ്പോർട്ട് ചെയ്തിരിക്കുന്നത്.

റഷ്യൻ സർക്കാരും രാജ്യത്തിന്റെ സെൻട്രൽ ബാങ്കും ക്രിപ്‌റ്റോയെ കറൻസിയുടെ ഒരു രൂപമായി അംഗീകരിച്ചുകൊണ്ടുള്ള നിയമനിർമ്മാണത്തിനോ നിയമഭേദഗതിക്കോ ഒരുങ്ങുന്നുവെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. ചൊവ്വാഴ്ച പുറത്തിറക്കിയ ഒരു പ്രസ്താവനയെ ഉദ്ധരിച്ചാണ് ഇത്തരത്തിൽ ബ്ലോക്ക്വർക്സ് റിപ്പോർട്ട് ചെയ്തിരിക്കുന്നത്.

നേരത്തെ ക്രിപ്‌റ്റോ പ്രവർത്തനങ്ങളെയും മൈനേഴ്സിനേയും നിരോധിക്കാൻ ബാങ്ക് ഓഫ് റഷ്യ കഴിഞ്ഞ മാസം നിർദ്ദേശിച്ചിരുന്നു. അതിന് പിന്നാലെ, രാജ്യത്തിന്റെ സാമ്പത്തിക വ്യവസ്ഥയെ അപകടത്തിലാക്കുമെന്ന ആശങ്ക ഉയർന്നതിനേ തുടർന്നാണ് ഈ കരാർ പരിവർത്തനം ചെയ്യാൻ ഭരണകൂടം തയ്യാറാകുന്നത്.

ചൊവ്വാഴ്ച വാർത്താ ഏജൻസിയായ കൊമ്മേഴ്‌സന്റ് ആണ് പ്രഖ്യാപനം ആദ്യം റിപ്പോർട്ട് ചെയ്തത്. ക്രിപ്‌റ്റോകളെ സാമ്പത്തിക ഡിജിറ്റൽ ആസ്തികളായിട്ടല്ല, "കറൻസികളുടെ അനലോഗ്" എന്ന നിലയിലാണ് വർഗ്ഗീകരിക്കേണ്ടത്. ഫെബ്രുവരി 18ന് ശേഷം നിയമനിർമ്മാണം നടക്കുമെന്നാണ് റിപ്പോർട്ട്.

ഫെബ്രുവരി 18-നകം ഒരു ക്രിപ്‌റ്റോ റെഗുലേറ്ററി ഡ്രാഫ്റ്റ് അവതരിപ്പിക്കുമെന്നും റിപ്പോർട്ടിൽ വ്യക്തമാക്കുന്നു. വായ്പാ സ്ഥാപനങ്ങളുടെ പണമൊഴുക്കിന്മേലുള്ള നിയന്ത്രണം ഉറപ്പുവരുത്തുന്നതിനൊപ്പം രാജ്യത്തിന്റെ സാമ്പത്തിക സംവിധാനത്തിലേക്ക് ഡിജിറ്റൽ കറൻസികൾ വിതരണം ചെയ്യുന്നതിനുള്ള ഒരു സംവിധാനത്തെ സംയോജിപ്പിക്കാനാണ് റഷ്യയുടെ ശ്രമം.

600,000 രൂപയ്ക്ക് ($8,016) മുകളിലുള്ള പ്രവർത്തനങ്ങൾ പ്രഖ്യാപിക്കപ്പെടുമ്പോൾ രാജ്യത്തിന്റെ ബാങ്കിംഗ് സംവിധാനത്തിലൂടെയോ ലൈസൻസുള്ള ഇടനിലക്കാർ വഴിയോ ശരിയായ തിരിച്ചറിയൽ പരിശോധനകൾക്ക് ശേഷം മാത്രമേ കറൻസിയായി ക്രിപ്‌റ്റോയുടെ ഉപയോഗം സാധ്യമാകൂ.

മേൽപറഞ്ഞതിന് പുറമേയുള്ള ഇടപാടുകൾ നടത്തുന്നതിനെ ക്രിമിനൽ കുറ്റമായി കണക്കാക്കും. അതിന് പുറമെ, പേയ്‌മെന്റ് മാർഗമായി ക്രിപ്‌റ്റോകൾ നിയമവിരുദ്ധമായി സ്വീകരിച്ചതിന് പിഴ ചുമത്തുമെന്നും മാധ്യമങ്ങൾ സൂചന നൽകുന്നുണ്ട്.

ക്രിപ്‌റ്റോകറൻസി ദാതാക്കളെ ലക്ഷ്യമിട്ടുള്ള ലൈസൻസിംഗ് പൗരാവകാശങ്ങളുടെ സംരക്ഷണം ഉറപ്പാക്കുമെന്നും അധികൃതർ പറഞ്ഞു.

റഷ്യൻ സാമ്പത്തിക മന്ത്രാലയം, ഫെഡറൽ സെക്യൂരിറ്റി സർവീസ്, ആഭ്യന്തര മന്ത്രാലയം, ഫെഡറൽ ടാക്സ് സർവീസ് എന്നിവയുൾപ്പെടെ നിരവധി റഷ്യൻ റെഗുലേറ്റർമാരും നിയമനിർമ്മാതാക്കളും ചേർന്നാണ് ഇത്തരത്തിൽ ഒരു നിയമനിർമാണത്തിന് പിന്നിൽ.

Source : LiveNewAge