കൊച്ചി: സംസ്ഥാനത്ത് സ്വർണവില വീണ്ടും വർധിച്ചു. ഗ്രാമിന് 25 രൂപയും പവന് 200 രൂപയും വർധിച്ചു ഗ്രാമിന് 4,820 രൂപയിലും പവന് 38,560 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 60 രൂപയും പവന് 480 രൂപയും വർധിച്ചു ഗ്രാമിന് 4,795 രൂപയിലും പവന് 38,360 രൂപയിലുമാണ് ഇന്നലെ വ്യാപാരം നടന്നത്. രണ്ട് ദിവസം കൊണ്ട് ഗ്രാമിന് 85 രൂപയും പവന് 680 രൂപയും വർധിച്ചു. മാർച്ച്‌ 9 ന് രാവിലെ രേഖപ്പെടുത്തിയ ഗ്രാമിന് 5,070 രൂപയും പവന് 40,560 രൂപയുമാണ് ഈ മാസത്തെ ഏറ്റവും ഉയർന്ന നിരക്ക്. മാർച്ച്‌ 1ന് രേഖപ്പെടുത്തിയ ഗ്രാമിന് 4,670 രൂപയും പവന് 37,360 രൂപയുമാണ് ഈ മാസത്തെ ഏറ്റവും കുറഞ്ഞ നിരക്ക്. രാജ്യാന്തര വിപണിയിൽ അമേരിക്കൻ ബോണ്ട് വരുമാനം മുന്നേറാത്തതും ബൈഡന്റെ യൂറോപ്യൻ സന്ദർശനം യുദ്ധമുഖം വീണ്ടും സജീവമാക്കിയതും സ്വർണത്തിന് ഇന്നലെ നേട്ടമായി.1960 മേഖലയിൽ നിൽക്കുന്ന സ്വർണം ബൈഡൻ യൂറോപ്പിൽ നിന്നും പോകുന്നത് വരെ മുന്നേറിയേക്കാം.1930 ഡോളറിലാണ് സ്വർണത്തിന്റെ പിന്തുണ.
Source llivenewage
